Við­kvæmt mál, loka­kafli og ökklabönd á eltihrella

Sæki samantekt...

Ásthildur Lóa Þórsdóttir, fyrrverandi mennta- og barnamálaráðherra, er komin í leyfi frá þingstörfum um óákveðinn tíma. Fátt annað komast að í upphafi þingfundar en mál hennar og forsætisráðherra margítrekaði hversu viðkvæmt það væri. Við heyrum frá umræðum og verðum í beinni með þingmönnum í kvöldfréttum Stöðvar 2.

Almannavarnir þurfa að vera undir það búnar að gosvirkni færist á milli eldstöðvakerfa á Reykjanesi. Við ræðum við fagstjóra aflögunarmælinga hjá Veðurstofu Íslands sem telur líklegt að séum við í stödd í miðjum lokakaflanum í yfirstandandi eldgosahrinu við Svartsengi.

Þá heyrum við í dómsmálaráðherra sem hefur skipað starfshóp sem falið verður að yfirfara lög um nálgunarbann og nýtingu ökklabands til að auka öryggi brotaþola. Hún segir umsáturseinelti mun útbreiddara vandamál en fólk almennt geri sér grein fyrir og hún vill gefa kerfinu tæki og tól til að taka fast á þeim.

Þá heimsækir Elín Margrét Böðvarsdóttir endurhæfingarmiðstöð særðra hermanna í Kænugarði, við verðum í beinni með veðurfræðingi og forvitnumst um mögulegt páskahret auk þess sem við kíkjum á námskeið í geislasverðanotkun.

Auk þess heyrum við í sérfræðingi um brösulega byrjun nýráðins landsliðsþjálfara og í Íslandi í dag kynnir Sindri Sindra sér gríðarháan kostnað við ökunám.

Þetta og margt fleira í opinni dagskrá á samtengdum rásum Bylgjunnar, Vísis og Stöðvar 2 klukkan 18:30.