ESB grípur til aðgerða vegna tollahækkana Trumps

Sæki samantekt...

Framkvæmdastjórn Evrópusambandsins ætlar í mótagerðir frá og með 1. apríl næstkomandi til að bregðast við tollahækkunum Bandaríkjamanna á vörur úr stáli og áli sem tóku gildi í nótt.

Tollahækkanir Evrópusambandsins ná til vöruinnflutnings fyrir um 28 milljarða dollara frá Bandaríkjunum.

„Við hörmum þessa ráðstöfun,“ sagði Ursula von der Leyen, yfirmaður framkvæmdastjórnar Evrópusambandsins, í tilkynningu sem birt var í morgun en 25 prósenta tollur á allt innflutt ál og stál tók gildi á miðnætti og markar nýtt stig í viðskiptastríðinu á milli Bandaríkjanna og helstu viðskiptalanda þeirra.

„Tollar eru skattar. Þeir eru slæmir fyrir fyrirtæki og enn verri fyrir neytendur. Þeir hafa í för með sér óvissu fyrir hagkerfið. Evrópusambandið verður að bregðast við til að vernda neytendur og fyrirtæki. Mótaðgerðirnar sem við grípum til eru sterkar

Í tilkynningu framkvæmdastjórnar Evrópusambandsins kemur fram að mótaðgerðirnar séu mótvægi við heildaráhrif af nýjum tollum sem Donald Trump Bandaríkjaforseti hefur komið á en að enn sé tími til að koma í veg fyrir að hækkanirnar taki gildi.