Sæki samantekt...
José Raúl Mulino, forseti Panama, sakaði Donald Trump Bandaríkjaforseta um lygar þegar hann sagði í stefnuræðu sinni á bandaríska þinginu í gær að ríkisstjórn hans væri að „endurheimta“ Panama-skurðinn.
Vísaði hann þar með í kaup bandaríska fjárfestingarfyrirtækisins BlackRock á hlut í kínversku fyrirtæki sem hefur rekið tvær hafnir sitt hvoru megin við Panama-skurðinn síðustu ár. Keypti BlackRock jafnframt hafnirnar tvær.
Trump hefur lengi talað fyrir því að fá Panamaskurðinn aftur á sitt vald. Hafði hann meðal annars hótað því að beita hervaldi til þess að fá sínu framgengt.
Marco Rubio, utanríkisráðherra Bandaríkjanna, fór í heimsókn til Panama í síðasta mánuði þar sem hann átti fund með Mulino. Vildi hann þá meina að Kína hefði áhrif á starfsemi skipaskurðarins, eitthvað sem Mulino þvertók fyrir.
Nafnalisti
- BlackRocksjóðstýringarrisi
- Donald Trumpþáverandi forseti Bandaríkjanna
- José Raúl Mulino
- Marco Rubioöldungadeildarþingmaður
Svipaðar greinar
Tölfræði
- Textinn inniheldur 131 eind í 7 málsgreinum.
- Það tókst að trjágreina 7 málsgreinar eða 100,0%.
- Margræðnistuðull var 1,67.