Á meðan þjást fjölskyldur í Bökkunum

Sæki samantekt...

Jón Pétur Zimsen, þingmaður Sjálfstæðisflokksins, segir að Ísland sé með embættismenn, stjórnmálamenn og ráðherra á góðum launum, sem á góðviðrisdögum belgi sig út og tali fjálglega um börn og ungmenni, að þau eigi skilið það besta og að hlusta eigi á þau.

Svo komi erfið mál.

„Þá sér maður undir iljarnar á sama fólki og þau sem enda með heitu kartöfluna kasta henni umsvifalaust frá sér, bara eitthvað annað,“ segir Jón Pétur og gagnrýnir Ásthildi Lóu Þórsdóttur barna- og menntamálaráðherra fyrir að aðhafast ekki heldur „horfa bara á“.

Hann segir það hafa verið ömurlegt að fylgjast með málinu í Breiðholti sl. vikur. Mál sem skaði nám og framtíðarmöguleika fjölda barna.

„Mál sem hrekur íbúa úr hverfinu sínu. Fjölskyldur flytja burt,“ segir þingmaðurinn.

„Á meðan þjást fjölskyldur í Bökkunum.“