Lík nýfætts barns fannst í poka

Sæki samantekt...

Kona á þrítugsaldri hefur verið handtekin í Bretlandi eftir að lík ungabarns fannst í poka í Notting Hill-hverfinu í London.

Sky greinir frá því að barnið hafi verið nýfætt og fundist í Marks & Spencer-poka fyrir utan kirkju.

Flutt tafarlaust á sjúkrahús

Að sögn lögregluyfirvalda í London var konan handtekin og er grunuð um að hafa falið fæðingu sína, vanrækslu og ungbarnaborð.

Konan var flutt tafarlaust á nærliggjandi sjúkrahús til að tryggja að hún fengi nauðsynlega læknishjálp og dvelur hún þar sem stendur.

Í yfirlýsingu frá lögreglu kemur fram að krufning á barninu verði framkvæmd síðar í vikunni, og að hún muni veita meiri upplýsingar um það sem leiddi til dauða barnsins.