Støre endurkjörinn formaður Verkamannaflokksins

Sæki samantekt...

Jonas Gahr Støre, forsætisráðherra Noregs, var í dag endurkjörinn formaður Verkamannaflokksins til næstu tveggja ára.

Fréttaveitan NTB segir frá þessu.

Størevar einn í kjöri, en nokkur styr stóð um hann í vetur og flokkurinn stóð á tímabili höllum fæti í skoðanakönnunum.

Støre sagði í viðtali við NRK að staða hans hafi verið nokkuð krefjandi og fyrir þremur mánuðum síðan hafi hann ekki séð fram á þessa niðurstöðu. Hins vegar hafi hann fundið mikinn stuðning frá flokkssystkynum sínum.

Flokknum hefur vaxið ásmegin eftir að Miðflokkurinn gekk úr ríkisstjórnarsamstarfinu og Jens Stoltenberg sneri aftur í stjórnmálin sem fjármálaráðherra.

Verkamannaflokkurinn mælist nú aftur stærsti flokkur landsins með vel yfir 30 prósenta fylgi.