Sæki samantekt...
Ragnar Þór Ingólfsson, þingmaður Flokks fólksins, hefur tekið við stöðu þingflokksformanns Flokks fólksins. Hann tekur við af Guðmundi Inga Kristinssyni sem tók við embætti mennta- og barnamálaráðherra um helgina í kjölfar afsagnar Ásthildar Lóu Þórsdóttur.
Þórunn Sveinbjarnardóttir, forseti Alþingis, greindi frá þessu við upphaf þingfundar í gær. Hún sagði að forseta hefði borist tilkynning frá þingflokki Flokks fólksins um að á þingflokksfundi hefði Ragnar Þór Ingólfsson verið kosinn formaður þingflokksins.
Lilja Rafney Magnúsdóttir er varaformaður þingflokks Flokks fólksins.
Ragnar Þór er þingmaður Reykjavíkurkjördæmis norður og tók sæti á þingi eftir kosningarnar sem fram fóru í nóvember á síðasta ári. Hann gegndi áður stöðu formanns VR.
Guðmundur Ingi hafði verið formaður þingflokks Flokks fólksins frá árinu 2018 en hann var fyrst kjörinn á þing 2017.
Flokkur fólksins náði inn tíu mönnum á þing í síðustu kosningum.
Nafnalisti
- Ásthildur Lóa Þórsdóttirformaður Hagsmunasamtaka heimilanna
- Guðmundur Ingi Kristinssonþingmaður Flokks fólksins
- Lilja Rafney Magnúsdóttirfyrrverandi þingmaður Vinstri grænna
- Ragnar Þór Ingólfssonformaður
- Þórunn Sveinbjarnardóttirþingmaður Samfylkingarinnar og fyrrverandi umhverfisráðherra
Svipaðar greinar
Tölfræði
- Textinn inniheldur 131 eind í 9 málsgreinum.
- Það tókst að trjágreina 9 málsgreinar eða 100,0%.
- Margræðnistuðull var 1,57.