Sæki samantekt...
Brasilíski varnarmaðurinn Gabriel hefur leikið sinn síðasta leik á þessu tímabili. Hann meiddist aftan í læri í 2 — 1 sigri Arsenal á Fulham í ensku úrvalsdeildinni í fyrradag.
Gabriel fór meiddur af velli í fyrri hálfleik í leiknum á þriðjudaginn. Arsenal greindi svo frá því í dag að Brassinn þyrfti að fara í aðgerð og yrði ekki meira með á tímabilinu.
Þetta er áfall fyrir Arsenal en Gabriel hefur verið ein styrkasta stoð liðsins undanfarin ár. Í vetur hefur hann byrjað 28 af þrjátíu leikjum Arsenal í ensku úrvalsdeildinni. Skytturnar hafa fengið á sig 25 mörk, fæst allra.
Arsenal er í 2. sæti ensku úrvalsdeildarinnar með 61 stig, tólf stigum á eftir toppliði Liverpool.
Arsenal er ennfremur komið í átta liða úrslit Meistaradeildar Evrópu þar sem liðið mætir Evrópumeisturum Real Madrid. Fyrri leikur liðanna fer fram á Emirates á þriðjudaginn.
Hinn 27 ára Gabriel kom til Arsenal frá Lille 2020. Hann hefur leikið 210 leiki fyrir Lundúnaliðið og skorað tuttugu mörk.
Nafnalisti
- Emiratesflugfélag
- Gabrielvarnarmaður
Svipaðar greinar
Tölfræði
- Textinn inniheldur 174 eindir í 12 málsgreinum.
- Það tókst að trjágreina 12 málsgreinar eða 100,0%.
- Margræðnistuðull var 1,82.