Grunaður um að verða mæðgum að bana

Sæki samantekt...

Dánarorsök mæðgna sem fundust látnar í bænum Lindesnes á suðurströnd Noregs voru skotsár. Lögreglan í Noregi greindi frá þessu í dag.

Fyrst var greint frá því í byrjun vikunnar að þrír hefðu fundist látnir. Annars vegar voru það mæðgurnar, 51 árs gömul móðir og sautján ára dóttir, og hins vegar grunaður árásarmaður.

Bráðbirgðakrufning hefur leitt í ljós að mæðgurnar létust vegna skotsára. Þær eru taldar hafa dáið samstundis og þær voru skotnar. Þær fundust látnar á heimili sínu í Lindesnesi.

Grunaður árásarmaður, 24 ára karlmaður, fannst látinn í kyrrstæðum bílá bílastæði í tuttugu mínútna akstursfjarlægð frá heimilinu. Talið er að hann hafi svipt sig lífi.

Í bílnum fannst vopn. Lögreglan rannsakar nú hvort vopnið sé það sama og var notað til að bana mæðgunum.

Samkvæmt Verdens Gang voru tengsl milli meints árásarmanns og mæðgnanna en hann mun þó ekki hafa verið skyldur þeim.