Tindastóll með fyrsta sigur sinn í níu leikjum

Sæki samantekt...

Mummi Lú

Tindastóll vann Grindavík 88–85 í leik liðanna í efstu deild kvenna í körfubolta. Tindastóll hafði tapað átta leikjum í röð fram að þessu. Framlengingu þurfti til að knýja fram sigurvegara en staðan var jöfn, 78–78, eftir venjulegan leiktíma.

Tindastóll leiddi með átta stigum í hálfleik, 43–35, en Grindavík kom til baka í lokaleikhlutanum.

Búið er að tvískipta deildinni í efri og neðri hluta. Leikurinn var í neðri hlutanum og er nú aðeins ein umferð eftir.

Stjarnan vann öruggan 85–72 sigur gegn Aþenu.

Nú eru Stjarnan, Grindavík, Tindastóll og Valur í harðri baráttu um þrjú sæti í úrslitakeppninni þegar ein umferð er eftir.