Ný­bökuð móðir fær ekki lög­bundna þjónustu og líf Ladda á fjölunum

Sæki samantekt...

Nýbökuð móðir segist upplifa lífið sem stofufangelsi þar sem hún fái ekki þá þjónustu sem hún á lögbundinn rétt á. Rætt verður við konuna í kvöldfréttum Stöðvar 2 á eftir en hún hefur nú beðið í tvö ár eftir NPA-þjónustu.

Í fréttatímanum verður einnig fjallað um stöðu öryggis- og varnarmála í Evrópu og rætt við Kristrúnu Frostadóttur forsætisráðherra sem segir varnarsaming Íslands við Bandaríkin standa sterkt, þrátt fyrir breyttan tón frá Bandaríkjunum.

Við fjöllum einnig um tollastríð í fréttatímanum en Donald Trump Bandaríkjaforseti hefur ákveðið að fresta álagningu tolla á ákveðnar vörur frá Mexíkó og Kanada. Viðskiptastríð virðist engu að síður yfirvofandi sem gæti teygt anga sína til Evrópu.

Loks verðum við í beinni útsendingu úr Borgarleikhúsinu í fréttatímanum þar sem sýning um Ladda verður frumsýnd í kvöld.

Í sportinu verður rætt við Benóný Breka Andrésson sem raðar inn mörkum fyrir Stockport Country.