Banaslys eftir að grjót hrundi á hringveginn

Sæki samantekt...

Ökumaður bifreiðar sem lenti í umferðarslysi á Suðurlandsvegi í dag er látinn.

Stórt grjót lenti á bifreiðinni sem ók í austur átt. Þrjár erlendar konur voru í bifreiðinni. Farþegarnir sluppu með minniháttar áverka og voru fluttar til frekari skoðunar.

Þetta kemur fram í tilkynningu lögreglunnar á Suðurlandi.

Tilkynning um slysið barst lögreglu klukkan 12.42 í dag.

Ökumaðurinn var fastur inni í bifreiðinni og var úrskurðaður látinn á vettvangi. Rannsókn slyssins er í höndum rannsóknardeildar lögreglunnar á höfuðborgarsvæðinu.

Suðurlandsvegi var lokað vegna slyssins en verður opnaður von bráðar.