Maður sem lenti í Akraneshöfn enn þungt haldinn á gjörgæslu

Sæki samantekt...

RÚV/Ragnar Visage

Karlmaður liggur enn þungt haldinn á gjörgæslu eftir að alda hreif hann með sér ofan í höfnina á Akranesi á mánudag. Þetta staðfestir vinnuveitandi mannsins, Bergþór Jóhannsson, forstjóri Hagtaks.

Annar maður lenti einnig í höfninni en sá komst aftur upp á bryggju af sjálfsdáðum og varð ekki meint af.

Tveir bílar höfnuðu einnig í höfninni og voru þeir hífðir á land á miðvikudag. Maðurinn sem er á gjörgæslu var í öðrum bílanna þegar aldan hreif þá með sér.