Silfur­litaða VÆB byltingin tók yfir ösku­daginn: „Þetta er geggjað! Þetta er galið! Þetta er geð­veikt!“

Sæki samantekt...

VÆB æði hefur gripið yngri kynslóðina og öskudagsbúningar barnanna báru þess sannarlega merki í dag þar víða mátti sjá glitta í speglagleraugu og silfurklæði. Einnig sást til íkorna, Squid Game persóna og Donalds Trump í öskudagsfjöri.

Fréttastofa skellti sér í Kringluna og á öskudagsgleði Nóa Síríus þar sem VÆB strákarnir héldu tvenna tónleika. Fjölmargir voru í VÆB búningum.

VÆB-bræðurnir Hálfdán Helgi og Matthías Davíð.

„Við fáum sendar myndir af fólki í VÆB-göllum. Þetta er bara geggjað! Þetta er galið! Þetta er geðveikt,“ segja bræðurnir.

Þeir segja að VÆB sé lífsstíll.

„Það stendur náttúrulega fyrir virðingu, æðruleysi og bullandi stemningu!“

Í fréttinni er hægt að sjá viðtalið við VÆB bræðurna og flotta krakka í alls konar skemmtilegum búningum sem gerðu sér lítið fyrir og sungu fyrir fréttateymi Stöðvar 2.