Ásthildur Lóa ætlar lengra með málið gegn ríkinu

Sæki samantekt...

Ásthildur Lóa Þórsdóttir, mennta- og barnamálaráðherra, gerir ráð fyrir að áfrýja dómi Héraðsdóms Reykjavíkur sem sýknaði í morgun íslenska ríkið af kröfu Ásthildar og eiginmanns hennar.

Hjónin stefndu ríkinu vegna vinnubragða sýslumanns við uppboð á húsi hennar árið 2017. Húsið var boðið upp vegna skuldar þeirra við Arion banka. Hjónin vildu meina að sýslumaður hefði með uppboðinu haft af þeim 10,6 milljónir króna, þar sem ekki hefði verið tekið tillit til fyrningar vaxta þegar andvirði hússins var skipt milli bankans og þeirra.

„Ég geri fastlega ráð fyrir því að við munum áfrýja,“ segir Ásthildur í samtali við fréttastofu.

„Það sem ég vil ná fram með þessu er að kerfið sé að vinna fyrir fólkið í landinu en ekki sjálft sig.“