Reynslumikill Finni ráðinn sem landsliðsþjálfari

Sæki samantekt...

Salminen tekur við þjálfun landsliðsins af Benedikt Guðmundssyni sem lét af störfum eftir síðustu undankeppni. Pekka Salminen er 62 ára Finni sem hefur mikla reynslu af þjálfun.

Hann var landsliðsþjálfari finnska kvennalandsliðsins á árunum 2015–2023 en hefur einnig verið aðstoðarþjálfari finnska karlalandsliðsins, auk þess að þjálfa félagslið og yngri landslið Finna.

Stefnan sett á lokakeppni EM

Markmið Finnans er að koma íslenska landsliðinu í lokakeppni Evrópumóts, á Eurobasket. Það er þó langtíma markmið og því gerður fjögurra ára samningur við Salminen svo hann hafi góðan tíma til að koma sínum hugmyndum og aðferðafræði inn í liðið.

Salminen er jafnframt starfsmaður finnska körfuboltasambandsins og vinnur þar í afreksmálum. Hann mun áfram starfa þar, en KKÍ fékk góðfúslegt leyfi frá finnska sambandinu til þess að ráða Salminen sem landsliðsþjálfara Íslands.