Líklegt að Arnar kalli "gamla bandið" saman

Sæki samantekt...

Arnar Gunnlaugsson landsliðsþjálfari Íslands mun á miðvikudag kynna nýjan landsliðshóp sinn fyrir komandi verkefni. Þetta verður fyrsti hópur Arnars.

Landsliðið er á leið í tvo leiki gegn Kósóvó i umspili Þjóðadeildarinnar, vinni liðið einvígið mun það halda áfram í B-deildinni en tap þá fellur liðið í C-deildina.

Athyglisvert verður að sjá hvaða lið Arnar fer í vali sínu en yfirgnæfandi líkur eru á því að hann kalli „gamla bandið“ saman á nýjan leik.

Allar líkur eru á því að Aron Einar Gunnarsson leikmaður Al-Gharaffa í Katar verði í hópnum en hann hefur verið heill heilsu síðustu mánuði.

Gylfi Þór Sigurðsson er einnig líklegur til þess að vera í hópnum en hann er nú í æfingaferð með Víkingi eftir félagaskipti sín á dögunum.

Öruggt er að Jóhann Berg Guðmundsson verði í hópnum en hann hefur spilað flesta leiki Al-Orobah í Sádí Arabíu á þessu tímabili. Eiga þessir þrír stóran þátt í góðum árangri Íslands frá 2013 til 2020.

Arnór Ingvi Traustason er hluti af gamla bandinu og ætti að vera í hópnum, sömu sögu má segja um Sverrir Inga Ingason varnarmann sem verður í hópnum.

Það kæmi svo ekki á óvart að Ingvar Jónsson markvörður Víkings kæmi inn í hópinn, Patrik Sigurður Gunnarsson hefur ekki spilað síðustu vikur í Belgíu.

Birkir Bjarnason sem er leikjaæsti leikmaður í sögu Íslands spilar gæti komið til greina, hann hefur spilað 20 leiki með Brescia í Seriu B á þessu tímabili en 16 sinnum komið inn af bekknum.