Bann gegn einkaþotum og þyrlum sam­þykkt

Sæki samantekt...

Tillaga Þórdísar Lóu Þórhallsdóttur oddvita Viðreisnar í Reykjavík um bann á einkaþotum og þyrluflugi á Reykjavíkurflugvelli var samþykkt á fundi borgarstjórnar í kvöld.

Allir fulltrúar meirihlutans greiddu atkvæði með tillögunni auk Þórdísar. Fulltrúar Sjálfstæðisflokksins greiddu atkvæði gegn henni og Framsóknarflokkurinn sat hjá.

Þyrluflug Landhelgisgæslunnar verður áfram á flugvellinum.

Í gær sagði Þórdís að markmiðið með tillögunni væri að skapa sátt um áætlunar-, sjúkraflug og landhelgisgæslu næstu tuttugu árin á Reykjavíkurflugvelli og tryggja þá umgjörð sem þar, en um leið að draga úr mengun, slysahættu og ónæði fyrir íbúa í nágrenni flugvallarins.

Auðvelt ætti að vera að finna öðru flugi nýjan stað. Dæmi um það gæti verið Keflavíkurflugvöllur, gamli Keflavíkurvöllur eða á Suðurlandi.

Það sé stefna Viðreisnar að innanlandsflugi verði í framtíðinni fundin annar staður.

Hins vegar hafi ekki verið fundið nýtt svæði fyrir innanlandsflug, og draga verði þá ályktun að sjúkra- og áætlunarflug muni verða á Reykjavíkurflugvelli næstu tuttugu árin og mikilvægt sé að tryggja þá umgjörð sem þarf.