Mikil lækkun á bandarískum mörkuðum

Sæki samantekt...

Bandarísk hlutabréf lækkuðu verulega við opnun markaða í dag, í kjölfar nýrra tollaaðgerða Bandaríkjastjórnar og harðra viðbragða frá Kína. Dow Jones lækkaði um 2,2%, S & P 500 um 2,5% og Nasdaq um 3,1%.

Kína tilkynnti í morgun að lagður verði 34% tollur á tilteknar bandarískar vörur-sem svar við nýju tollastefnunni sem Donald Trump kynnti fyrr í vikunni.

Apple og Amazon í frjálsu falli

Hlutabréf tæknirisa drógust sérstaklega niður. Apple lækkaði um 8,3% vegna áhyggja af áhrifum tollanna á framleiðslu og birgðakeðjur fyrirtækisins. Amazon féll um 8,9%, þar sem fjárfestar óttast áhrif á netverslun og dreifikerfi fyrirtækisins og Tesla lækkaði um 6,1%, einkum vegna versnandi stöðu í Asíu og harðnandi samkeppni á rafbílamarkaði.

Sérfræðingar segja að óvissan um framhald viðskiptaáætlana Trumps haldi áfram að ýta undir verðlækkanir og auki líkur á sveiflum á mörkuðum næstu daga.