Sæki samantekt...
Þjálfarinn þrautreyndi, Gunnar Magnússon tekur við þjálfun karlaliðs Hauka í handbolta þegar yfirstandandi tímabili lýkur. Gunnar sem sem er núverandi þjálfari Aftureldingar mun hætta þar eftir tímabilið og færa sig yfir í Hafnarfjörðinn.
Þekkir vel til í Hafnarfirði
Haukar greindu frá þessu á samfélagsmiðlum sínum í morgun en Gunnar, sem er 47 ára, er ekki ókunnur Ásvöllum en hann stýrði liðinu frá 2015 til ársins 2020 með fínum árangri. Undir hans stjórn urðu Haukar Íslandsmeistarar 2016 og deildarmeistarar 2016 og 2019. Gunnar tekur við liðinu af Ásgeiri Erni Hallgrímssyni.
RÚV/Mummi Lú
„Eftirsjá í Ásgeiri Erni“
„Ljóst er að Haukar eru að fá sigursælan og reynslumikinn þjálfara til liðs við félagið til að leiða liðið áfram í baráttunni um alla þá titla sem eru í boði. Að sama skapi er eftirsjá í Ásgeiri Erni enda mikill Haukamaður en hann hefur þjálfað Haukaliðið síðan í nóvember 2022 og fór hann með Haukaliðið í úrslit um Íslands- og bikarmeistaratitilinn 2023. Ásgeir Örn skilar af sér góðu búi en margir ungir og efnilegir Haukamenn eru núna í lykilhlutverki liðsins sem spennandi verður að sjá á næstu árum,“ segir í tilkynningu frá Haukum.
Facebook/Haukar
Nafnalisti
- Ásgeir Örn Hallgrímssonfyrrverandi landsliðsmaður í handbolta
- Gunnar Magnússonþjálfari
- Mummi Lúljósmyndari
Svipaðar greinar
Tölfræði
- Textinn inniheldur 195 eindir í 12 málsgreinum.
- Það tókst að trjágreina 11 málsgreinar eða 91,7%.
- Margræðnistuðull var 1,60.