Barnamálaráðherra eignaðist barn með barnungum pilti

Sæki samantekt...

Ásthildur Lóa Þórsdóttir barnamálaráðherra átti í ástarsambandi með fimmtán ára pilti og eignaðist með honum barn. Sambandið hófst þegar hún var sjálf 22 ára, en barnið eignuðust þau ári síðar. Þetta kemur fram í frétt RÚV nú í kvöld.

Þar kemur fram að maðurinn, Eiríkur Ásmundsson, hafi staðfest við fréttastofu að þau hafi átt í ástarsambandi. Það hafi hafist fljótlega eftir að hann leitaði í trúarsöfnuðinn Trú og líf, þar sem hún leiddi unglingastarf.

Barnið hafi komið undir fljótlega eftir kynni þeirra en það kom í heiminn þegar hann var orðinn sextán ára gamall, samkvæmt frétt RÚV. Ásthildur Lóa gaf RÚV ekki kost á viðtali.

Heimildin hefur hvorki náð í Ásthildi Lóu né Ingu Sæland, formann Flokks fólksins.

Skráðu þig inn til að lesa

Þú færð tvær fríar áskriftargreinar í mánuði. Þú hefur síðan val um að styrkja óháða blaðamennsku með áskrift á hagstæðu verði, frá aðeins 3.990 krónum á mánuði.

Innskrá með Facebook Innskrá með notanda Stofna aðgang

Leiðbeiningar má nálgast á heimildin.is/leidbeiningar.