Færa til málaflokka til að standa straum af kostnaði við kjarasamninga kennara

Sæki samantekt...

Fjármálaráðherra áætlar að kostnaður sveitarfélaganna vegna nýrra kjarasamninga kennara nemi um 5 milljörðum króna á ári. Ríkið ætlar að taka málaflokka frá sveitarfélögum til sín til að mæta kostnaðaraukanum.

Fjármálaráðherra segir ríkið ekki ætla að hafa beina aðkomu að fjármögnun nýrra kjarasamninga kennara. Bæjar- og sveitarstjórar hafa krafist þess að ríkið axli ábyrgð á aðkomu sinni að sáttinni og vísa þar í afskipti menntamálaráðherra af kjaradeilunni.

Daði Már Kristófersson segir að sveitarfélögunum ætti að vera vel kunnugt um hvað þau voru að samþykkja með kjarasamningunum.]] Já ég held nú að þau hafi verið fullkomlega upplýst um það í hvaða samninga þau voru að fara. Og ég vil benda á að þau samþykktu þetta allt. [[Samkomulagið kynnt í næstu viku

Ríkisstjórnin muni í næstu viku undirrita samkomulag við sveitarfélögin um breytingar á verkaskiptingu ríkis og sveitarfélaga.]] Vonandi aðstoðar það sveitarfélögin við að ná endum saman. [[Kjarasamningar kennara kosta 5 milljarða króna

Þannig muni skapast svigrúm fyrir sveitarfélögin til að forgangsraða og rétta af fjárhagsstöðu sína, sem sé í mörgum tilfellum slæm.]] Við vitum nákvæmlega hver þessi viðbótarkostnaður er. [[Og hver er hann?]] Hann er af stærðargráðunni 5 milljarðar getum við sagt. [[Taka til sín tvö verkefni frá sveitarfélögunum

Daði Már segir verkefnin sem færist frá sveitarfélögum til ríkisins annars vegar snúa að börnum með fjölþættan vanda. Það hafi verið áherslumál ríkisstjórnarinnar að koma því máli í betri farveg og liður í því sé að ríkið yfirtaki þann málaflokk. Hins vegar hafi ríki og sveitarfélög farið sameiginlega með ábyrgð á uppbyggingu öldrunarrýma en ríkið ætli að taka það verkefni alfarið til sín. Við þessar tilfærslur skapist svigrúm fyrir sveitarfélögin til að standa straum af launaleiðréttingu kennara.]] Það stendur til að undirrita samning um þessa nýju verkaskiptingu og kynna hana betur í næstu viku.