„Vorum virki­lega virki­lega þreyttir síðasta hálf­tímann“

Sæki samantekt...

Ruben Amorim, þjálfari Manchester United, fannst liðið sitt lengstum vera með tök á leiknum á móti Real Sociedad í Evrópudeildinni í kvöld. United komst yfir en Real Sociedad jafnaði úr vítaspyrnu og Orri Steinn Óskarsson fékk svo tvö tækifæri til að tryggja spænska liðinu sigurinn.

„Fram að því að fengum dæmda á okkur vítaspyrnuna þá vorum við með tök á leiknum. Vítaspyrnan breytti leiknum, sagði Ruben Amorim við TNT Sport.

„Við vorum virkilega virkilega þreyttir síðasta hálftímann í leiknum. Við munum taka þetta með okkur á Old Trafford en það verður allt annar leikur,“ sagði Amorim.

Það er hægt að taka undir það því spænska liðið fékk vissulega færin til að vinna leikinn á lokakaflanum og enginn betri en íslenski framherjinn.

„Það verður pressa á okkur á Old Trafford leikvanginum í seinni leiknum og við verðum þá að vera tilbúnir,“ sagði Amorim.

„Lykilatriðið er að lifa af líkamlega fram á sunnudag [fá Arsenal í heimsókn í ensku úrvalsdeildinni] og mæta síðan ferskir á fimmtudaginn kemur,“ sagði Amorim.

„Við vorum augljóslega útkeyrðir í lokin. Við vorum mikið með boltann fram að vítinu. Við tókum ekki bestu ákvarðanirnar á síðasta þriðjungnum en við áttum góða kafla í leiknum. Nú er bara næsti leikur,“ sagði Amorim.