Vatnavextir á Völlunum

Sæki samantekt...

Veðrið hefur verið ansi köflótt í dag. Skammt hefur verið á milli þéttrar snjókomu og úrhellisrigningar á suðvesturhorni landsins. Inn á milli hefur sólin svo látið sjá sig.

Þessi fór létt með vatnið sem safnast hafði upp á götum Hafnarfjarðar. RÚV/Arnór Fannar Rúnarsson

Á Völlunum í Hafnarfirði skapaðist mikill vatnselgur eftir ofankomuna.

Þar var tökumaður okkar, Arnór Fannar Rúnarsson á ferð í dag. Hann náði hann þessum myndum af ökumönnum sem fóru misauðveldlega í gegnum vatnið. Myndskeiðið tók Erla María Davíðsdóttir, fréttamaður.