Sundlaugum lokað á höfuðborgarsvæðinu

Sæki samantekt...

Allar sundlaugar Reykjavíkurborgar eru lokaðar tímabundið vegna eldingaveðurs á Suðvesturlandi. Sif Baldursdóttir, hjá menningar- og íþróttasviði Reykjavíkurborgar, segir lokunina fara alfarið eftir veðri.

Færsla á Facebook-síðu Sundlauga Reykjavíkur. Facebook/Sundlaugar Reykjavíkur

Salalaug í Kópavogi var lokað um tíma meðan eldingaveður gekk yfir suðvestanvert landið. Ragnheiður Ólafsdóttir, vaktstjóri í lauginni, segir útisundlaug hafa verið rýmda þegar starfsfólk varð vart við þrumur og eldingar. Hún segir gesti hafa brugðist vel við skipunum um að færa sig í innilaug.

Þeir sem komu meðan laugin var lokuð biðu eftir að fá að fara ofan í eða fengu miða sína endurgreidda. Hún segir alla hafa verið þakkláta fyrir að hugsað hafi verið um öryggi viðskiptavinanna. Laugin var opnuð aftur þegar talið var að öryggi sundlaugargesta og starfsfólks hefði verið tryggt.

Hér má sjá myndband frá Hrannari Hafsteinssyni af eldingum í Reykjavík.