Aftur dregið úr skjálftavirkni við Sundhnúksgíga

Sæki samantekt...

Dregið hefur úr skjálftavirkni á Sundhnúksgígaröðinni frá því í gær, en þá hafði virknin aukist mikið. Samkvæmt upplýsingum frá náttúruvárvakt Veðurstofunnar eru engin merki um gosóróa.

Sundhnúksgígar, mynd tekin í mars. RÚV/Ragnar Visage

Kristín Jónsdóttir jarðeðlisfræðingur sagði í sjónvarpsfréttum í gær að vegna þess hve langt er frá síðasta gosi og hve mikil kvika hafi náð að safnast saman — þá geti næsta gos orðið sterkara en áður.