Myrti meðleigjanda sinn og hlutaði líkið í sundur – Dreifði síðan líkamshlutunum um Manchester

Sæki samantekt...

Marcin Majerkiewics, sem er 42 ára, er heltekin af hryllingsmyndum og það virðist hafa verið kveikjan að því að hann barði meðleigjanda sinn, hinn 67 ára Stuart Everett, til bana á heimili þeirra í Winton í Salford á Englandi í mars á síðasta ári.

Þegar hann hafði gert út af við Stuart, skar hann líkið í 27 hluta og fláði húðina af höfuðkúpunni. Hann setti líkamshlutana í plastpoka og fór í strætó með þá og dreifði þeim í Manchester.

The Independent segir að þessi tveggja barna faðir, sem er frá Póllandi, sé heltekin af viðbjóðslegum hryllingsmyndum.

Það tók kviðdóm tæpar tvær klukkustundir að komast að niðurstöðu þegar málflutningi lauk í undirrétti í Manchester í síðustu viku. Höfðu réttarhöldin þá staðið í þrjár vikur.

Marcin neitaði sök en færði engin rök fyrir neitun sinni.

Hann var dæmdur í ævilangt fangelsi og á fyrst möguleika á reynslulausn eftir 34 ár.

Í þessari frétt er fjallað um þunglyndi og sjálfsvíg. Ef einstaklingar glíma við sjálfsvígshugsanir er bent á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl. 8 — 22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.