Formannskipti í Sambandi sveitarfélaga í dag

Sæki samantekt...

Fulltrúar allra 62 sveitarfélaganna koma saman í dag á landsþingi Sambands íslenskra sveitarfélaga á Hilton Reykjavík Nordica í dag.

Heiða Björg Hilmisdóttir, núverandi formaður sambandsins, tilkynnti í Kastljósi á mánudaginn að hún myndi stíga til hliðar og að þetta yrði því hennar síðasta landsþing sem formaður.

Ásdís fagnar formannsskiptum

Varaformaður sambandsins, Jón Björn Hákonarson, forseti bæjarstjórnar Fjarðabyggðar, tekur við af Heiðu Björgu í dag og mun gegna formennskunni þar til að stjórn kýs sér nýjan formann.]] Ásdís Kristjánsdóttir, bæjarstjóri í Kópavogi, hefur verið orðuð við formennsku en hún ætlar ekki að bjóða sig fram. „En ég treysti hins vegar mínu góða fólki í stjórninni sem hefur svo sannarlega verið að sinna sínu hlutverki vel. Það er mikilvægt hins vegar að næsti formaður sé að horfa til þess að vera málsvari sveitarfélaga, standi vörð um hagsmuni okkar sveitarfélaga og sé talsmaður okkar út á við.“ [[Þetta telur Ásdís ekki hafa verið raunina í stjórnartíð Heiðu Bjargar. „Í raun horfðum við uppá það að í miðri kjaradeilu var formaður, þá að taka við sem borgarstjóri, í pólitískum einleik sem beinlínis skaðaði hagsmuni sveitarfélaga. Ég bara fagna því að við séum loksins í dag að fá nýjan formann.“

Á þinginu í dag verður meðal annars rædd tillaga þess efnis að hægt verði að víkja formanni frá störfum áður en kjörtímabili hans lýkur. Ásdís segir að hún muni kjósa með tillögunni.