Nostradamus nútímans með hrollvekjandi spá – Heimsstyrjöld og herkvaðning

Sæki samantekt...

Brasilíumaðurinn Athos Salomé, sem segist vera „Nostradamus nútímans“ birti nýlega hrollvekjandi spá um atburði í náinni framtíð.

Hann segir að þriðja heimsstyrjöldin muni brjótast út og verði upphaf hennar „skemmdarverk og blendingshernaður“ en slíkir atburðir hafa nú þegar átt sér stað í Evrópu í tengslum við innrás Rússa í Úkraínu.

Þessi sjálfútnefndi spámaður hefur, að eigin sögn, áður spáð fyrir heimsfaraldri kórónuveirunnar, andláti Elísabetar II Bretadrottningar og innrás Rússa í Úkraínu.

Hann segir að „varhugavert geopólitískt mynstur“ hafi hreiðrað um sig á síðustu mánuðum. Hann segist sjá „hættulega alheims krísu“ og hvetur fólk til að „taka eftir merkjunum“. Mirror skýrir frá þessu.