Frá JBT Marel til Kviku

Sæki samantekt...

Narfi Snorrason hefur verið ráðinn í starf forstöðumanns Fyrirtækjaráðgjafar Kviku banka. Hann kemur frá JBT Marel þar sem hann starfaði frá árinu 2015, síðast sem forstöðumaður stefnumótunar- og þróunar.

Narfi starfaði einnig um nokkurra ára skeið í Kaupmannahöfn; fyrst sem sérfræðingur á Rannsóknar- og þróunarsviði hjá Ørsted, síðar í Leveraged Finance hjá Glitni og loks sem verkefnastjóri hjá Nordic M & A.

Við heimkomu réð Narfi sig sem verkefnastjóra í fyrirtækjaráðgjöf Íslandsbanka áður en hann hóf störf hjá Marel, síðar JBT Marel. Hjá Marel hefur Narfi leitt teymi stefnumótunar- og þróunar og komið að fjölmörgun yfirtökum og stefnumarkandi verkefnum á undanförnum misserum, nú síðast samruna JBT og Marel.

Narfi er með M.Sc. í orkuverkfræði frá Danmarks Tekniske Universitet, MBA frá Háskólanum í Reykjavík og B.Sc. í rafmagnsverkfræði frá Háskóla Íslands.

Narfi hefur störf hjá Kviku banka 1. maí næstkomandi.