Elon Musk hefur tapað rúmlega 120 milljörðum dollara á þremur mánuðum

Sæki samantekt...

Á aðeins þremur mánuðum hefur auður Elon Musk minnkað um 121 milljarð dollara. Hlutabréf í Tesla náðu toppnum í verði í desember á síðasta ári en hafa síðan hríðlækkað í verði eða um 35% frá áramótum.

Forbes skýrir frá þessu og segir að ekki sjái fyrir endann á lækkun á verði hlutabréfa í Tesla.

Afskipti Musk af stjórnmálum hafa hleypt illu blóði í marga og gæti það verið ástæða fyrir verðlækkun hlutabréfanna. Þess utan hefur sala á Teslum hrunið í mörgum löndum.

Musk er þó enn ríkasti maður heims að sögn Forbes. Hann þarf að tapa 116 milljörðum dollara til viðbótar til þurfa að deila efsta sætinu á þessum lista með Mark Zuckerberg, forstjóra Meta.

Musk er auðugri í dag en hann var áður en Donald Trump sigraði í forsetakosningum í nóvember.