Fram heldur spennu í Olísdeildinni

Sæki samantekt...

Fram er komið í annað sæti Olísdeildar kvenna í handbolta þegar einungis tvær umferðir eru eftir af tímabilinu. ÍR og Fram áttust við í nítjándu umferð deildarinnar. Fram vann þar öruggan sigur 22–25. Fram situr í öðru sæti deildarinnar, tveimur stigum á eftir Val sem er í því fyrsta.

Þórey Rósa Stefánsdóttir var markahæst Fram með sjö mörk. RÚV/Mummi Lú

Fram hafði yfirhöndina allan leikinn en næst komust Breiðhyltingar þegar liðið jafnaði metin í fyrri hálfleik í 8–8. Þá litu Framarar ekki um öxl og héldu fimm til sex marka forystu fram að 55. mínútu. Þá gerði ÍR áhlaup sem dugði þó ekki til. Lokatölur urðu 22–25, fyrir Fram.