Heiða Björg: Nýja verkefnið stærra og mikilvægara

Sæki samantekt...

„Ég held að við verðum alltaf að muna að það er val hvers sveitarfélags að vera í sambandinu. Það er ekki lagaleg skylda sveitarfélaganna að vera í sambandinu. Og það eru ekki einu sinni öll sveitarfélög í sambandinu,“ sagði Heiða Björg Hilmisdóttir, borgarstjóri og fráfarandi formaður Sambands íslenskra sveitarfélaga, er hún setti landsþing sambandsins í dag.

„En okkur finnst það mikilvægt af því að okkur finnst þessi vettvangur okkar mikilvægur,“ sagði hún jafnframt og bætti við að hún hefði eytt dýrmætum tíma í að vinna að framþróun sambandsins.

„Örvæntið ekki“

„Það var stórt skref fyrir mig að verða fyrsti formaðurinn sem var kosinn beinni kosningu. Ég hef nýtt þetta lýðræðislega umboð sem þið gáfuð mér. Það hefur verið ótrúlega gefandi, annasamt, skemmtilegt. Nú hefur borgarstjórn hins vegar kosið mig í annað verkefni. Það lýðræðislega umboð sem ég hef fengið að vera borgarstjóri er stærra og mikilvægara þar sem það eru Reykvíkingar sem jú kjósa mig til starfa, fyrst og fremst. Þannig að ég hef boðað það að ég muni segja mig frá stjórnarsetu í lok þessa þings. Og takið eftir því að ég er að boða aðra ræðu í lok þingsins, þannig að örvæntið ekki,“ sagði Heiða Björg er hún setti þingið formlega.

Nánar um þingið.