Beint: Stórar spurningar í öryggis- og varnarmálum

Sæki samantekt...

Evrópa stendur frammi fyrir stórum spurningum um öryggis- og varnarmál í ört breytilegum heimi.

Hver eru lykilatriði Atlantshafsbandalagsins og Evrópusambandsins í að tryggja áframhaldandi varnir og öryggi? Hver gætu áhrifin verið á Norður-Atlantshafið og á norðurslóðum?

Fjallað verður um þessar spurningar og fleiri, og svara við þeim leitað, á yfirgripsmikilli málstofu sem hefst klukkan 16 í dag.

Beint streymi frá Veröld, húsi Vigdísar:

Erlendir sérfræðingar, erindrekar og sendiherrar

Kl. 16.00:

Davíð Stefánsson, formaður Varðbergs, stýrir fundinum.

Paweł Bartoszek, þingmaður og formaður utanríkismálanefndar Alþingis, flytur opnunarávarp.

Maciej Stąsiek, skrifstofustjóri öryggis- og varnarmálaskrifstofu utanríkisþjónustu ESB (EEAS), flytur myndbandsávarp: „New Perspectives in EU Security and Defence“.

Kl. 16.25:

Evrópsk öryggis- og varnarmál: Hlutverk ESB og NATO. Dr. Magnús Árni Skjöld Magnússon, dósent við Háskólann á Bifröst, stýrir umræðu.

Þátttakendur:

Jean-Pierre Van Aubel, sérfræðingur í öryggis- og varnarmálastefnu ESB/Strategic Compass, utanríkisþjónustu ESB (EEAS).

Lucyna Golc-Kozak, staðgengill skrifstofustjóra öryggismálaskrifstofu utanríkisráðuneytis Póllands.

Erlingur Erlingsson, hernaðarfræðingur og fyrrverandi sendiráðsfulltrúi.

Jónas G. Allansson, skrifstofustjóri varnarmálaskrifstofu utanríkisráðuneytisins.

Spurningar og svör. Stutt hlé.

Kl. 17.20:

Öryggismál á Norður-Atlantshafi og á norðurslóðum með áherslu á samverkandi hlutverk ESB og NATO. Rakel Þorbergsdóttir, samskiptastjóri og fyrrverandi fréttastjóri, stýrir umræðu

Þátttakendur:

Claude Véron-Révillle, sérstakur erindreki Evrópusambandsins í norðurslóðamálum hjá utanríkisþjónustu ESB (EEAS).

Bergdís Ellertsdóttir, sérstakur sendiherra Íslands í norðurslóðamálum.

Erik Vilstrup Lorenzen, sendiherra Danmerkur á Íslandi.

Roy Nordfonn, undirofursti og fulltrúi til Íslands, Joint Force Command Brunssum (NATO).

Spurningar og svör. Stutt lokaorð.

Clara Ganslandt, sendiherra Evrópusambandsins á Íslandi.

Aleksander Kropiwnicki, sendiherra Póllands á Íslandi.

Fundurinn er öllum opinn meðan húsrúm leyfir.