Stóð ekki á sama yfir aðstæðum í Kópavogi: Ekki tekið í mál í öðrum löndum - „Af hverju í ósköpunum?“

Sæki samantekt...

Breiðablik vann KA í uppgjöri Íslands- og bikarmeistara í gær. Það er óhætt að segja að aðstæður hafi ekki verið upp á marga fiska á köflum í leiknum.

Leiknum lauk með 3–1 sigri Blika og tóku þeir við bikarnum í leikslok. Eins og landsmenn tóku vafalaust eftir í gær skall á óveður seinni partinn í gær og fóru leikmenn á Kópavogsvelli ekki varhluta af því.

Þetta var tekið fyrir í nýjasta þætti Dr. Football, þar sem leikurinn var gerður upp.

🏆 Meistarar meistaranna í fótbolta.

Breiðablik mætir KA í þrumum og eldingum

Í beinni á RÚV núna pic.twitter.com/lKtHXuyBZB

-RÚV Íþróttir (@ruvithrottir) March 30, 2025

„Í lokin voru hörku þrumur og eldingar, leikmenn enn þá þarna úti. Ég vil aldrei stoppa leik en það er eitthvað við þrumur og eldingar,“ sagði þáttastjórnandinn Hjörvar Hafliðason.

Jóhann Már Helgason og Arnar Sveinn Geirsson voru með honum í setti og telja að leikurinn hefði átt að vera færður inn í eitthvert knatthúsanna í nágrenninu.

„Nú erum við með húsin. Af hverju í ósköpunum var þessi leikur ekki færður inn þegar við sáum í hvað stefndi?“ spurði Jóhann áður en Arnar tók til máls.

„Þessi leikur hefði aldrei farið fram í Bandaríkjunum, til dæmis.“

Dr. Football Podcast · Helgaruppgjör Dr. Football — Þetta er málmur eða er það ekki?