Jarðskjálfti fannst á höfuðborgarsvæðinu

Sæki samantekt...

Jarðskjálfti fannst greinilega á höfuðborgarsvæðinu rétt í þessu. Fyrstu tölur gefa til kynna að hann hafi verið enn öflugri sá sem sem mældist fyrr í dag upp á 3,6 stig.

„Fyrstu tölur hjá okkur benda til þess að skjálftinn hafi verið rétt um fjóra. Skjálftinn er á sama stað og fyrr í kvöld á milli Trölladyngju og Kleifarvatns,“ segir Steinunn Helgadóttir, náttúruvársérfræðingur hjá Veðurstofu Íslands.

„Þetta eru svokallaðir gikkskjálftar sem helgast af spennulosun í jarðskorpunni. Virknin var út af Eldey en hún hefur færst í átt að Trölladyngju og Kleifarvatni núna,“ segir Steinunn.

Fréttin hefur verið uppfærð.