Taldar ágætis líkur á því að United reyni að fá De Gea í sumar

Sæki samantekt...

Því er haldið fram í Fichajes á Spáni að Manchester United íhugi alvarlega að fá David de Gea aftur til félagsins í sumar.

De Gea var hent í burtu frá United sumarið 2023 þegar Erik ten Hag var þá þjálfari liðsins.

Ten Hag vildi fá Andre Onana sem hefur staðið vaktina síðustu tvö tímabil í marki United með misjöfnum árangri.

Vitað er að Ruben Amorim vill fá nýjan markvörð í sumar og gæti De Gea verið góður kostur, hann getur komið frítt frá Fiorentina.

Í grein Fichajes segir að forráðamenn United játi að það hafi verið mistök að losa sig við De Gea og að möguleiki sé að hann komi aftur.