Danir kæra sig ekki um tóninn í gagnrýni Bandaríkjamanna

Sæki samantekt...

Danmörk er ekki hafið yfir gagnrýni í málefnum Grænlands, en Danir kunna ekki að meta hvernig hún er sett fram í sumum tilvikum. Þetta segir Lars Løkke Rasmussen, utanríkisráðherra Danmerkur, í ávarpi á samfélagsmiðlum.

Tilefnið er ummælin sem JD Vance varaforseta Bandaríkjanna lét falla í heimsókn sinni á bandaríska herstöð á Grænlandi í gær, um að Danmörk hafi ekki reynst grænlensku þjóðinni vel. Þau eru svo vitanlega í samhengi við yfirlýsingar Donalds Trump Bandaríkjaforseta um að Bandaríkin ættu að ná áhrifum á landinu.

„Við getum vel tekið gagnrýni, en svo ég segi alveg eins og er, þá kærum við okkur ekki um tóninn í framsetningunni,“ segir Rasmussen

„Svona talar maður ekki við náinn bandamann, en ég álít Danmörku og Bandaríkin enn nána bandamenn.“

Hann segist átta sig á að Bandaríkin telji sig þurfa að efla herlið sitt á herstöðvum í Grænlandi og Danir séu reiðubúnir að ræða slíkt með opnum hug.