Krefst fullra yfirráða á Kúrsk

Sæki samantekt...

Vladimír Pútín, foresti Rússlands, hvatti hermenn sína til dáða í Kúrsk í dag og skipaði þeim að ná aftur völdum á öllu héraðinu. Úkraína gerði áhlaup á héraðið í ágúst í fyrra og náði völdum á um þúsund ferkílómetrum.

Beðið er svara rússneskra stjórnvalda við vopnahléstillögu Bandaríkjanna sem Úkraína samþykkti í gær. Steve Witkoff, sérstakur erindreki Bandaríkjanna í Miðausturlöndum, fer til Moskvu í vikunni, þar sem búist er við að Pútín taki á móti honum. Talskona Bandaríkjaforseta segir Mike Waltz, þjóðaröryggisráðgjafa Bandaríkjanna, hafa átt samtal við starfsbróður sinn í Rússlandi í dag.

Volodymyr Zelensky Úkraínuforseti segist eiga erfitt með að treysta Rússum. Hann geri ráð fyrir því að viðbrögð Bandaríkjanna verði hörð ef Rússar hafna samningnum.