Fjórir létust í drónaárás Rússa

Sæki samantekt...

Fjórir létust og meira en 30 slösuðust í drónaárás Rússa á borgina Kharkiv í austurhluta Úkraínu að sögn yfirvalda í Úkraínu í dag.

Rússar og Úkraínumenn hafa aukið loftárásir þótt Donald Trump Bandaríkjaforseti hafi þrýst á gerð vopnahléssamnings til að binda enda á rúmlega þriggja ára stríð.

Árás Rússa í gærvköld beindist að íbúðar- og skrifstofubyggingum í Kharkiv og segir Oleg Synegubov, ríkisstjóri Kharkiv-héraðsins, að fjórir hafi látið lífið í árásunum og 35 slasast.

Rússneska varnarmálaráðuneytið greindi frá því í dag að viðvörunarkerfi loftvarna hefðu stöðvað og eyðilagt 107 úkraínska dróna í nótt, þar af 34 yfir Kúrsk svæðinu og 30 yfir Oryol svæðinu.

Einn lést og annar særðist í árás úkraínskra dróna á þorp í í Bryansk-héraði.