Rashford stóð í vegi Stefáns Teits og félaga

Sæki samantekt...

Aston Villa sigraði Preston í átta liða úrslitum enska bikarsins í fótbolta, 0–3.

Stefán Teitur Þórðarson var í byrjunarliði Preston. Hann átti tvö góð marktækifæri í fyrri hálfleik sem þó dugðu ekki til. Á átjándu mínútu gerði hann tilraun til að skora en skotið hans fór fram hjá marki. Þá var hann ansi nálægt því að koma Preston yfir með skalla á þrítugustu mínútu.

Imago

Í seinni hálfleik byrjaði boltinn að rúlla hjá Villa. Marcus Rashford skoraði sitt fyrsta mark fyrir liðið á 58. mínútu. Hann er á láni hjá liðinu út tímabilið. Á 63. mínútu var Villa dæmt víti sem Rashford skoraði úr. Þriðja mark liðsins skoraði Jacob Ramsey á 71. mínútu.