Sögð gefa mikið í skyn með þessari myndbirtingu: Verið á mörgum forsíðum síðustu mánuði - Er hún að vekja athygli fyrrum eiginmannsins?

Sæki samantekt...

Ný mynd af hinni umdeildu Wanda Nara er nú að vekja athygli en þar sést hún í íþróttatreyju með ‚ París’ á bakinu.

Wanda er nafn sem margir þekkja en hún er fyrrum eiginkona sóknarmannsins Mauro Icardi sem spilar í dag í Tyrklandi.

Hjónaband þeirra var svo sannarlega stormasamt en þau ákváðu að skilja á síðasta ári og eiga saman þrjú börn.

Wanda er sögð sakna eiginmannsins mikið en hún birti á dögunum mynd af sér í einhvers konar jakka eða treyju með nafninu París.

Talið er að hún sé að gefa í skyn að hún sakni lífsins í París með fyrrum eiginmanni sínum, Icardi, sem er kominn í nýtt samband í Tyrklandi.

Hvort um slúðursögur sé að ræða er óvitað en Wanda er sjálf einhleyp í dag og hefur oft komist á forsíðurnar víðs vegar um Evrópu eftir skilnaðinn.

Parið var saman í meira en tíu ár og var það Icardi sem ákvað að setja niður fótinn og hætta flest öllum samskiptum við fyrrum eiginkonu sína.