Samþykkt að fella 700 til 900 tré til viðbótar í Öskjuhlíð

Sæki samantekt...

Aðgerðaáætlun um trjáfellingar í Öskjuhlíð í þágu flugöryggis var samþykkt í umhverfis- og skipulagsráði Reykjavíkurborgar í morgun og vísað til staðfestingar í borgarráði. Í Speglinum á mánudag kom fram að skipulagsfulltrúi Reykjavíkurborgar hefði gefið út framkvæmdaleyfi til að fella 800 tré til viðbótar þeim sem þegar hefðu verið felld í Öskjuhlíð. Umhverfis- og skipulagsráð samþykkt að 700 til 900 tré yrðu felld í öðrum áfanga til viðbótar við þau um 730 tré sem felld voru í fyrsta áfanga.

RÚV/Ragnar Visage

Í þriðja áfanga, sem hefst í mars verða allar greinar hreinsaðar úr skóginum og kurlaðar, segir í tilkynningu frá borginni. Öskjuhlíð verði svo endurhönnuð með það að markmiði að þar verði áfram vinsælt útivistarsvæði.