Kátir krakkar í Kringlunni í allra kvikinda líki

Sæki samantekt...

Margir landsmenn, ungir sem aldnir, brugðu sér í búninga af því tilefni að í dag er öskudagurinn.

Ragnar Visage, fréttaljósmyndari RÚV, brá sér í Kringluna þar sem börn á ýmsum aldri gengu í búðir og sungu í von um að fá sælgæti að launum.

Búningarnir voru fjölbreyttir og margir hverjir mjög frumlegir eins og sjá má á myndunum hér fyrir neðan.

Vinirnir Mike og Sully úr myndinni Monsters Inc. RÚV/Ragnar Visage

Það er greinilegt að drykkurinn Svali hefur ekki runnið börnum úr minni. Glöggir sjá einnig jarðíkornabræðurna Theodór, Alvin og Símon. RÚV/Ragnar Visage

Mario-bræður létu sig ekki vanta í Kringluna. RÚV/Ragnar Visage

Kúrekabúningar eru enn vinsælir. RÚV/Ragnar Visage

Glæsilegir skósveinabúningar (e. Minions) RÚV/Ragnar Visage

Strumparnir í allri sinni bláu dýrð. Skegg æðsta strumps er sérstaklega tilkomumikið. RÚV/Ragnar Visage

Trúður og flugfreyja í samfloti. RÚV/Ragnar Visage

Hér telur blaðamaður að til vinstri megi sjá persónur úr tölvuleiknum Subway Surfers en til hægri sé mögulega verið að túlka gervi Wayans-bræðra úr myndinni White Chicks frá 2004. RÚV/Ragnar Visage