Krist­rún á fjarfundi með Von der Leyen og Costa

Sæki samantekt...

Í hádegisfréttum verður rætt við Kristrúnu Frostadóttur forsætisráðherra en í morgun sat hún fjarfund með æðstu embættismönnum ESB um ástand heimsmálanna.

Leiðtogar Evrópuríkjanna samþykktu í gær að stórauka framlög sín til varnarmála og ítrekuðu stuðning sinn við Úkraínu í stríði þeirra við innrásarher Rússa.

Einnig fjöllum við áfram um breytingu á styrkjum til fjölmiðla og ræðum meðal annars við formann Blaðamannafélagsins um þau mál.

Að auki tökum við púlsinn á skjálftavaktinni varðandi Reykjanesið og heyrum í Örnefnanefnd sem hefur skoðanir á nýjum götuheitum í Reykjavík.

Í sportfréttum dagsins verður fjallað um körfuboltaleik á Sauðárkróki og þjálfarabreytingar sem eru í vændum hjá kvennalandsliðinu.