Engin merki um gos þótt skjálftum hafi fjölgað

Sæki samantekt...

Jarðskjálftum hefur fjölgað á Sundhnúksgígaröðinni. Síðasta sólarhring hafa orðið þar fleiri en 20 jarðskjálftar og er það meira en síðustu daga. Síðustu vikur hefur skjálftavirkni aukist við Sundhnúk sem bendir til að þrýstingur á gosstöðvunum sé að aukast. Náttúruvársérfræðingur á Veðurstofunni segir að þótt skjálftar séu fleiri síðasta sólarhring séu engin merki um að kvikuhlaup sé að hefjast. Rúmmál kviku undir Svartsengi hefur ekki verið meira síðan goshrinan hófst í desember 2023.

Sundhnúksgígaröðin RÚV/Ragnar Visage