Ætlar að tryggja 48 daga strandveiðar með reglugerð

Sæki samantekt...

Hanna Katrín Friðriksson atvinnuvegaráðherra segir nýtt frumvarp um strandveiðar ekki nást fyrir sumarið. Hún ætlar hins vegar að tryggja 48 daga strandveiðar í sumar með reglugerð.

„Hvoru tveggja miðar að því að tryggja 48 daga til strandveiða,“ sagði Hanna Katrín í viðtali við Jóhönnu Vigdísi Hjaltadóttur fréttamann að loknum ríkisstjórnarfundi í dag.

Hanna Katrín segir að frumvarpið muni jafnframt tryggja utanumhald og eftirlit með strandveiðum.

„Við erum að tryggja ákveðinn fyrirsjáanleika með það hvenær þarf að sækja um leyfið. Við erum að tryggja að sá sem veiðir eigi 51 prósent eða meira í bátnum til þess að tryggja eins og við getum að þetta skilji eftir í heimahöfn eða heimabyggð eins og ætlunin er.“

Heldurðu að þessi skref sem þú ert að telja upp skapi sátt…?

„Um strandveiðarnar? Ég ætla rétt að vona það.“