Súld við sjávarsíðuna og hiti að tíu stigum

Sæki samantekt...

Kyrrstæð hæð, skammt suðvestur af landinu, beinir fremur hægum vestlægum áttum að landinu. Þeim fylgja lágský sem leggjast yfir, einkum vestanvert landið, með þokumóðu eða súld við sjávarsíðuna. Það helst bjart áfram suðaustan- og austanlands og allvíða norðan til. Hiti 3–10 stig en víða vægt næturfrost, sérstaklega þar sem vindur er hægur og það er bjart yfir.

Á morgun má reikna með minni háttar éljagangi um tíma en útlit er fyrir bæði hægan vind og að élin verði efnislítil. Um helgina er síðan búist við sunnan- og suðvestanátt með rigningu eða súld sunnan- og vestanlands og mildu veðri um mestallt land.

RÚV/Ragnar Visage