,,Róttækni og svokölluð brjálsemi er heilbrigð skynsemi“

Sæki samantekt...

Ný mótmælaalda er komin á fulla ferð í USA eftir valdatöku Donald Trumps. Reiðin beinist ekki bara gegn nýgamla forsetanum heldur líka andstæðingum hans meðal demókrata. Fyrir lýðræði, fyrir fólkið í landinu, gegn auðvaldinu.

Unga vinstri stjarnan Alexandria Ocasio-Cortez var í Denver höfuðborg Colorados ásamt hinum 83 ja ára aldrei brattari Bernie Sanders, sem sérlegur heiðursgestur hans í baráttunni fyrir betri Bandaríkjum, baráttunni gegn Trump stjórninni og auðjöfrunum vinum hans. Þau kalla þetta stríðið gegn oligörkunum og hvetja alla til þátttöku í mótmælunum. „Það er hægt að mótmæla án þess að ráðast á Kapitolium“.

Og baráttan er vissuleg komin á fullt skrið „Á öllum mínum fundum höfum við aldrei verið fleiri,“ segir Bernie, en baráttan beinist ekki bara gegn Trump og oligörkunum, heldur líka gegn hinum valkostinum, — demókrötunum sjálfum. Sá flokkur fær falleinkunn í skoðanakönnunum þessa dagana, minna en 30% í hjá NBC og CNN. Flokkurinn er klofinn í herðar niður í innri mótsögnum.

Alexandria Ocasio-Cortez ásakar auðjöfrana um að hafa múlbundið Bandaríkin. „Það sem þetta fólk kallar róttækni og brjálsemi, er heilbrigð skynsemi í mínum huga“ segir hún um Trumpistana og bætir við „það á ekki bara við um repúblikana-við þurfum flokk demókrata sem berst fyrir okkur“ -og það voru meira en þrjátíuþúsund manns mætt til á baráttufundinn með Bernie Sanders og Alexandriu Ocasio-Cortez í Denver Colorado í vikunni sem leið.

Samantekt Jóns Thoroddsen á FB á frétt DN, birt með góðfúslegu leyfi.