Evrópskir smásölufjárfestar sækja á skortsala

Sæki samantekt...

Evrópskir smásölufjárfestar virðast nú vera að taka þátt í baráttu við vogunarsjóði með svipuðum hætti og sást með hlutabréf Game Stop í Bandaríkjunum árið 2021.

Fáein fyrirtæki, sérstaklega í varnariðnaði, hafa hækkað gríðarlega í verði á undanförnum vikum og bendir margt til þess að samhæfð kaup smárra fjárfesta hafi stuðlað að því að þrýsta á vogunarsjóði sem eru með stórar skortstöður.

Vogunarsjóðirnir eru þannig þvingaðir til að kaupa hlutabréf á síhækkandi verði til að loka stöðum sínum.

Vaxandi áhugi á varnariðnaði

Fyrirtæki eins og þýsku varnartæknifyrirtækin Hensoldt og Renk Group, sem og franska gervihnattarfyrirtækið Eutelsat, hafa séð miklar verðhækkanir.

Þessi þróun hefur farið langt fram úr almennum hækkunum í varnargeiranum, þar sem fjárfestar gera ráð fyrir auknum hernaðarútgjöldum í Evrópu.

Samkvæmt sérfræðingum sem Financial Times ræddi við, þar á meðal Roland Kaloyan hjá Société Générale, hafa smásölufjárfestar á samfélagsmiðlum eins og Reddit verið að hvetja hvern annan til að kaupa bréf í þessum fyrirtækjum, sérstaklega þeim sem vogunarsjóðir hafa tekið skortstöðu í. „Það er jarðskjálfti í gangi í Evrópu,“ sagði Kaloyan og líkti þróuninni við GameStop-málið árið 2021.

Það er jarðskjálfti í gangi í Evrópu,“ segir Kaloyan og líkti þróuninni við GameStop-málið árið 2021.

Hlutabréf rjúka upp, vogunarsjóðir tapa milljónum

Hlutabréf Renk Group hafa hækkað um næstum 50% á þremur vikum, á meðan bréf Latecoere, fransks birgja fyrir flugvélaiðnað, hafa hækkað um 80% síðan í lok febrúar. Til samanburðar hefur evrópska varnargeiravísitalan Stoxx Europe Aerospace & Defense hækkað um 16% á sama tímabili.

Þessar hækkanir hafa kostað vogunarsjóði stórfé. Skortseljendur í Eutelsat hafa tapað um 187 milljónum dala frá 14. mars, á meðan skortseljendur í Hensoldt hafa tapað um 110 milljónum dala eftir að hlutabréf félagsins hækkuðu um 40%.

Vogunarsjóðir á borð við Marshall Wace, Qube Research & Technologies og Millennium hafa dregið úr skortstöðum sínum í Renk Group undanfarnar vikur, samkvæmt gögnum frá Breakout Point. BlackRock, stærsti eignastýringarsjóður heims, hefur einnig minnkað skortstöður sínar í Eutelsat.

Samfélagsmiðlar í lykilhlutverki

Fjárfestar á evrópskum hlutabréfaspjallborðum, eins og Boursorama í Frakklandi, hafa sérstaklega beint spjótum sínum að vogunarsjóðum.

Einn notandi skrifaði að Eutelsat hefði „óvin“ í Darsana, bandarískum vogunarsjóði sem hafði skortstöðu í félaginu. Annar notandi hvatti fjárfesta til að halda bréfunum sínum til að neyða skortseljendur til að kaupa á enn hærra verði.

Mynd úr spjallborði smásölufjárfesta.

Á þýskum útgáfum Reddit-rásarinnar r/wallstreetbets, eins og r/Aktien og r/wallstreetbetsGER, hafa notendur rætt hvort nú sé rétti tíminn til að kaupa lítil og meðalstór fyrirtæki skráð í Frankfurt. Einn notandi skrifaði: „Á þessum dásamlega degi hef ég keypt í Renk. Ég vona að stórkarlar sjái hvað er að fara að gerast hér.“

Fjárfesting í varnariðnaði sem pólitísk yfirlýsing

Evrópskir fjárfestar hafa einnig tengt þessa hreyfingu við ummæli Donalds Trump um að Evrópa ætti ekki lengur að treysta á Bandaríkin í varnarmálum. Sumir notendur Reddit hafa því lýst kaupum sínum á hlutabréfum í varnargeiranum sem leið til að styrkja evrópskan varnariðnað á kostnað bandarískra eigna. „Mér er sama um hagnaðinn, ég vil bara leggja mitt af mörkum og færa fjárfestingar mínar frá bandarískum eignastýringarsjóðum,“ skrifaði notandi á r/eupersonalfinance.

Evrópa auðveldara skotmark fyrir skortsölur

Í Evrópu er skylt að skýra frá skortstöðum yfir 0,5% af útgefnum hlutabréfum, sem gerir smásölufjárfestum auðveldara að finna hvaða sjóðir hafa veðjað gegn tilteknum fyrirtækjum. Þetta er frábrugðið Bandaríkjunum, þar sem minni skylda er til að tilkynna um slíkar stöður.

Eutelsat var með skortstöður upp á næstum 100% af öllum útgefnum hlutabréfum sínum á síðasta ári, en sú tala hefur nú lækkað í 80% á tveimur vikum þar sem sjóðir hafa neyðst til að kaupa til baka bréf til að loka stöðum sínum. Samkvæmt Aleksander Peterc, sérfræðingi hjá Bernstein, hefur hækkunin á Eutelsat kallað fram „viðvörunarbjöllur“ hjá vogunarsjóðum, sem hafa síðan lokað skortstöðum í öðrum fyrirtækjum í miklum flýti.

Þó að hreyfingin minni á GameStop-æðið í Bandaríkjunum er hún þó ekki jafn öfgakennd. Engu að síður sýnir hún vaxandi áhrif smásölufjárfesta á evrópskum mörkuðum.

Spurningin er hvort þessi þróun sé tímabundin eða vísbending um langtímabreytingu á hlutverki almennra fjárfesta í baráttunni við vogunarsjó